Foix, habitants de la ville de Foix

L’heurevse conversion de tovs les pretendus Religionnaires de la ville de Foix.

Il est certain que les bonnes œuures tiennent de la nature du baume & autres liqueurs precieuses qui perdent leur odeur & leur force tenus en vn vase descouuert :  Car ainsi que nous faisons perdre l’odeur de son merite, estant estalé en public, & sa force est enleuée par le uent de la presomption de celuy qui l’expose à la cognoissance des hommes, sans auoir autre but que la gloire & loüange mondaine. Parmy les oeuures importantes & meritoire il n’y en a point de plus dignes d’honneur & de recompense, que le gain des ames escartees de Dieu par le peché, & separees du giron de l’Eglise son espouse par le venin pestiferé de l’heresie. Aussi est-il croyable, que le Sauveur vouloit parler de celle-cy, quand il disoit : Il y a peu d’ouuriers en comparaison de la moisson : Car les infideles sont en si grand nombre, qu’il ne faudroit iamais cesser de moissonner en ce champ, si l’indevotion de la pluspart des Catholiques ne tenoit les Predicateurs occupez à les destourner de l’offence. L’autheur de ceste heureuse conuersion s’est tousiours contenté du merite qu’il a pu aquerir enuers Dieu par ceste saincte ouure, sans par sa publication en rechercher quelque gloire passagere deuant les hommes, comme le narré de son liure en porte témoignage, mis en lumiere outre son gré, & par le seul commandement qu’il en a reçeu de ses Superieurs. Mais les principaux de cette ville desirans l’accroissement de la gloire de Dieu, par la publication /3/ de ceste saincte oeuure, m’ont obligé de la faire voir au public, racourcie en peu de paroles, qui comprennent tout le subiet.

Le V.P. (sic) Villate Religieux de l’Observance S. François ayant receu mandement de Monseigneur de Lussan[1] Reuerendissime Euesque, & tres-digne Pasteur de l’Eglise de Pamiez, pour prescher en la ville de Foix l’Aduent de l’annee passee 1621. &  le Caresme de l’an courant 1622. entreprit le voyage, nonobstant les dangers du chemin, où à toutes heures les Rebelles faisoient des courses, & dressoient des embuscades pour meurtrir sans compassion les pauures Catholiques. La grace de Dieu ayant rendu son voyage heureux & fortuné, il ne faut pas si tost dans Foix, que par l’auis des principaux de la ville, il embrassa la controuerse dés la premiere predication & continuant ainsi tous les iours de l’Advent, les Religionnaires pretendus par vn extraordinaire resolution s’y rendant assidus, durent la pluspart esbranlez, & quelquesvnes conuertis. Et en ce mesme temps Monsieur de la Forest, tout zelé serviteur de sa Majesté, estant arriué pour prendre possession du chasteau, par cas fortuit inopiné, M. Molinier Ministre de Foix[2], accompagnez de tous les principaux diuertis, les plus apparents Catholiques de la ville, & ledit P. Villate se rencontrerent ensemble, pour rendre l’honneur & humble salut deu a ce bon Seigneur, à sa bien-venuë. En cet instant le Ministre, & le mesme Pere entrerent en dispute verbale, sur la verité du Sacrement de Penitence & de la confession auriculaire, que le Ministre fut contraint aduouër pour veritable par les propres textes du Nouueau Testament de Geneve, qui portoit en sa poche.

/4/ Ceste premiere attaque estonna si fort le Pasteur & les brebis, que deslors vne bonne partie firent resolution de quitter l’erreur du Caresme, ledit Pere reprint auec plus de vigueur ses armes spirituelles, portant souuent la Ste. Bible en chaire auec leur confession de Foy, affin de par l’accartement de la verité auec le mensonge, la premiere parut plus brillante, & le second plus obscurcy. Ce n’estoit pas aussi en vain, puisque tous les iours il prenoit quelque ame dans les sacrez filets de ceste diuine parole. Tous les Samedis pareillement apres auoir celebré la S. Messe en la Chapelle nostre Dame de Mongausi lez Foix[3], plusieurs qui ne vouloient estre tout ledit Pere, proposoient leurs raisons, & puis demeurans satisfaits de ses responses, faisoient profession de Foy deuant l’Autel de la Saincte Vierge, & s’en retournoient Catholiques. Les apres-dinees semblablement ce Pere suiuoit les maisons des diuertis, où il estoit attendu de plusieurs pour entrer en conference, il les instruisoit auec douceur, & leur faisoit voir clairement leurs erreurs, sans qu’il fust iamais vsé d’autre violence : Mais d’autant que le Pasteur rendu, les brebis ne peuuent subsister, Monsieur le Conte de Carman, Gouuerneur pour le Roy en la Conté de Foix, Monsieur de la Forest Gouuerneur du chasteau & de la ville, Messieurs les Officiers du Roy, & quelques vns des principaux habitans furent d’auis, que ledit Pere ayant esté loüablement vainqueur du Ministre vne fois, il luy donnast vne seconde recharge, se persuadant auec luy, que depuis la honte publique, il auoit quelque intention de se conuertir.

/5/ A quoy le Pere aquiesça, d’autant plus volontiers qu’ilen preueut le gain plein d’honneur & de merite. La frayeur neantmoins glassant le cœur au Ministre, & l’obstination le tenant captif dans la sombre nuict de son erreur, il ne voulut accepter vne seconde atteinte, que par escrit, & encore auec ceste condition, qu’il ne seroit point l’agresseur, quoyqu’il y fut tenu par sa confession de Foy, qui l’oblige à reformer l’Eglise Romaine, & faire voir par la pure parole escrite, ses erreurs supposées. Le V.P. Villate se voyant pressé par ses Messieurs luy dressa vn ciel & vn enfer, plustost par son instruction, que par voye de seconde dispute, esperant sa conuersion. Aux parallelles ou analogies de l’Eglise militante auec le ciel sont deduites & estallees les principales veritez Chrestiennes, comme aux sympathies de la Religion pretenduë auec l’enfer sont confutez & renuersez les plus importans articles de la confession de Foy, comme il se peut voir en l’impression de Tolose. Il reçeut son cayer par les mains d’vn honorable Gentil-homme, & s’obligea par lettre auec son sein d’y respondre en peu de iours, ainsi qu’il est verifié en la premiere impression & attestation suiuante. Mais apres auoir pris vn mois de terme, & consulté le Ministre de Pamiez, il aduoüa ne sçauoir respondre, & pria Monsieur le Conte de Carman luy vouloir donner libre passage pour se retirer en quelque autre Eglise, puis qu’en celle‑cy, il n’auoit desia plus de brebis. Ceste sortie honteuse auec sa femme à son costé, & le trompette au deuant (en témoignage de sa honteuse fuitte) luy fut d’autant plus volontiers accordee, que le fruict esperé en estoit important : Car ce Pasteur pretendu s’estant retiré, toutes les /6/ brebis qui restoient, se rendirent en peu de temps, sans qu’il fut iamais vsé d’autre violence que de la saincte parole de Dieu. Quelques iours apres le corps de la ville s’assembla, ou d’vn commun consentement des vieux Catholiques & nouveaux conuertis, il faut resolu, que n’y ayant plus dans la ville, ny Pasteur, ny brebis pretenduës, il n’y auroit aussi plus de Temple, & qu’ainsi il seroit demoly, comme preiudiciant aussi au chasteau du Roy, & commandant la grand ruë de la ville, affin qu’estant tous vnis de foy & de religion, le fussent aussi de volonté, pour le service de sa Majesté. Le Dimanche apres, procession solemnelle & publique fut faicte par la ville, auec le S. Sacrement de l’Autel, ou les deux Consuls nouueaux reduits, portoient le poele deuant, & les deux vieux Catholiques apres, cequi n’auoit esté veu en ce lieu depuis 50 ans. Tous ont esté instruits prevément & en general, confessez & repeuz du tres auguste Sacrement de l’Autel, & donné des peuues asseurees de leur saincte & cordiale conuersion. Et affin que laverité de ce petit narré ne soit point obscurise, ou couuerte du voile de quelque friuole ou douteuse opinion, le roolle & attestation suivante donneront ample tesmoignage de la verité, à quiconque prendra la peine d’y porter sa veuë.

Roolle des principaux Religionnaires qui ont esté reduits par le R.P. Villate en la ville de Foix

I. Pierre Fer Bourgeois, aagé de 110 ans, premier Heretique de Foix, & celuy qui reçeut dans Genesue de la main de Caluin le premier Ministre dudit lieu, & accompagna le dernier a /7/ son despart & honteuse suitte, pour reparer sa premiere faute.

2. Noble Pierre de Larteich sieur del Castere, aagé de quarante cinq ans, heretique de naissance.

3. Noble Pierre Dabadie, seigneur de Cardarsset, aagé de quarante deux ans, heretique de naissance.

4. Noble Iean de la Mouillere, sieur de Bourras, aagé de 74 ans, Consul, comme à l’heure qu’il professa l’erreur de Caluin depuis 50 ans.

5. Monsieur Meric assesseur, aage de cinquante cinq ans, de la religion depuis quarante ans.

6. Iacques Garric, marchand, bourgois, Consul, aagé de septante deux ans, heretique depuis 40.

7. Paul Vernis, bourgeois & marchand, aagé de quatre-vingt ans, heretique depuis 40.

8. Michel Vernis, frere du susdit, aagé de septante ans, heretique de naissance.

9. Pierre Vernis, frere du susdit, aagé de septante ans, heretique de naissance.

10. Maistre Azam Notaire, aagé de cinquante ans, heretique de naissance.

11. Maistre Isaac de Meyzonade, Docteur & Aduovat, aagé de quarante ans, heretique depuis 25.

12. Messire Pierre Acquoquar, marchand aagé de trante six ans, heretique de naissance.

13. Maistre Pierre Clarens, bourgeois & marchand, aagé de septante ans, heretique de naissance.

14. Iean Fournier, serrurier, aagé de quarante ans, heretique depuis vingt.

15. Iean Grammont, meusnier, aagé de vingt-cinq ans, heretique de naissance.

16. Maistre Iean Deschad, marchand, aagé de vingt cinq ans, heretique de naissance.

/8/ 17. Hierosme du Vernis pareur, aagé de soixante six ans, & de la Religion depuis quarante deux.

18. Iacques Bonamy Cordonnier, aagé de trente ans heretique de naissance.

19. Roger Dupla pareur, aagé de cinquante cinq ans, heretique depuis trente.

20. Estienne Dupla fils du susdict aagé de vingt ans, heretique de naissance.

21. Iacques Grega marchand drapier, aagé de quarante ans, de la religion depuis trente-huict

22. Iean de Mouchaux soldat, aagé de trente ans, heretique de naissance.

23. M. Pierre Dalpias Apoticaire, aagé de soixante & trois ans, heretique de naissance.

24. Pierre Dalpias logicien enfant du susdict, aagé de vingt ans, heretique de naissance.

25. Isaac Vidau soldat, aagé de trente ans heretique de naissance.

26. Iean Iaugé Cordonnier, aagé de cinquante cinq ans, heretique depuis vingt-six.

27. Iacob Alard, charpentier, aagé de quarante ans, heretique depuis vingt-six.

28. Barthelemy Alard maistre Daguier, aagé de vingt cinq ans, heretique de naissance.

29.  Anthoine Alard, daguier, aagé de trante trois ans heretique de naissance.

30. Pierre Dupré gendarme, aagé de soixante ans, heretique de naissance.

31. Pierre Trille, marchand chaussetier, aagé de cinquante deux ans, heretique de naissance.

32. Maistre Isaac Rocly, marchand, aagé de cinquante cinq ans, heretique depuis quarante.

33. Iean Amardel voiturier, aagé de 40 ans, heretique de naissance.

/9/ 34. Roger Tuguel pareur, aagé de 75 ans, heretique depuis quarante ans.

35. Berard Cazaubon pareur, aagé de 42 ans, heretique depuis quarante ans.

36. Iean Iacques bonhomme, marchand, aagé de trante deux ans, heretique de naissance.

37. Ioachim Faure marchand cousturier, aagé de 34 ans, heretique de naissance.

38. Iean Saberdun marchand Chaussetier, aagé de soixantesix ans, heretique de naissance.

39. Isaac Saberdun aagé de vingt cinq ans, heretique de naissance.

40. Isaye Saberdun, aussi fils de Iean susnommé.

41. Maistre Pierre Liebar, marchand aagé de septante ans, heretique depuis quarante ans.

42. Iean Piebar praticien, aagé de trante deux ans, heretique de naissance.

43. Raymond Alard maistre coustelier, aagé de 47 ans, heretique depuis vingt-cinq ans.

44. Bernard Aymec meusnier aagé de trente deux ans, heretique de naissance.

45. Maistre Anthoine Sassot marchand, aagé de 68 ans, heretique depuis quarante ans.

46. Pierre Sassot son fils, aagé de vingt-six ans, heretique de naissance.

47. Iean Albert maistre Pareur, aagé de trante cinq ans, heretique de naissance.

48. Anthoine Laiust maistre Orfeure, aagé de soixante & vn an, heretique depuis cinquante.

49. Dauid Brun meusnier, aagé de soixante ans, heretique depuis cinquante.

50. Simond masitre estaignier, aagé de trante cinq /10/ ans, heretique depuis sa naissance.

51. Pierre Brun aagé de 22. ans heretique de naissance

52. Iean Milhau maistre charpantier aagé de quarante ans de la Religion depuis sa naissance.

53. Barthelemy Bonamy, aagé de vingt-trois ans, heretique de naissance.

54. Pierre Dubois passementier, aagé de vingt-trois ans, heretique de naissance.

55. Iacques Dubois passementier, aagé de dix-huict ans, heretique de naissance.

56. Pierre Romengas passementier, aagé de vingt-deux ans, heretique depuis dix.

57. Maistre Raymond Vidal Notaire aagé de cinquante ans, heretique de naissance.

58. Helie Berry Notaire, & Diacre du Ministre, aagé de trante huict ans, heretique de naissance.

59. Daniel Berrhy frere du susdict, aagé de vingt-cinq ans, heretique de naissance.

60. Iean Trille marchand, aagé de vingt-neuf ans, heretique de naissance.

61. Maistre Florens Bonhomme, Notaire aagé de trante huict ans, heretique depuis seize.

62. Iean de Lardos Soldat, aagé de soixante cinq ans, de la Religion depuis quarante.

63. Cl. Lardos, aagé de 19ans, heretique de naissance.

64. Paul Berard Cordonnier, aagé de dix-sept ans, heretique de naissance.

65. François benhac soldat, aagé de septante ans, heretique de naissance.

66. Iean Cabirol forgeron, aagé de vingt-cinq ans, heretique de naissance.

67. Boulzin Claustre armurier, aagé de soixante cinq ans heretique de naissance.

/11/ 68. Izaac Harad Sergent Royal aage de 45. ans tousiours de la Religion.

69. André Herard fils du susdict aage de 24 ans heretique de naissance.

70. Raymond Palier, Maistre Chaussetier aagé de 57. ans Heretique depuis 40 ans.

71. M. Helie Brune Bourgeois, aagé de 30 ans, heretique de naissance.

72. Damoizelle Marie de Gratiau vesue aagée de 40. ans, Heretique de naissance.

73. Anne Prade aagé de 25 ans, Heretique des sa naissance.

74. Damoizelle Ieanne de Lartheich, aagé de 50. ans, Heretique depuis 34.

75. Damoizelle Rachel de Meric fille de la susdicte, aagé de 16 ans heretique de naissance.

76. Françoise de Meric, de mesme aage & religion.

77. Ieanne Deborn, aagée de 25. ans, heretique depuis 10.

78. Magdalaine Duzan aagée de 36. ans, Heretique de naissance.

79. Marguerite Delgabé aagée de20.ans, heretique de naissance.

80. Catherine de Peiroui aagée de 45. ans, Heretique depuis 40.

81. Peronne de Nolin, aagée de 45. ans, Heretique depuis 40.

82. Marguerite de Campagne, aagée de 30. ans, Heretique de naissance.

83. Suzanne de Iauzé aagée de 30. ans, Heretique depuis 25.

84. Francoise Selsenac, aagée de 80 ans, de la religion depuis 45. /12/

85. Bertrande de Paschal aagee de trante ans, heretique depuis vingt-cinq.

86. Marthe Dormier aagée de soixante ans, heretique depuis cinquante.

87. Cecile de Barthe, aagée de soixante ans, heretique depuis quarante cinq.

88. Laurence Decor, aagée de vingt-cinq ans, heretique de sa naissance.

89. Françoise Fuillerac, aagée de cinquante ans, heretique de sa naissance.

90. Marguerite Regotte, aagee de quarante ans, heretique de naissance.

91. Marie Decor agée de 20. ans, tousiours heretique.

92. Marguerite Vidalle, aagee de 12. ans.

93. Magdalaine du Poy de mesme aage & religion.

94. Marie Doumenge fille du Ministre de Pamiés aagee de 40. ans, heretique de naissance.

95. Mathilde Taniere, aagee de 40.ans, heretique depuis 18.

96. Magdalaine Montoulieu, agee de 40. ans, heretique depuis quinze.

97. Marie Grenier aagee de vingt-deux ans heretique de sa naissance.

98. Damoiselle Quiterie de Merie, aagee de quarante huict ans, heretique de naissance.

99. Marie de Leglise, aagee de trante-deux ans, heretique depuis sa naissance.

100. François Baronne aagee de trante ans, heretique depuis sa naissance.

101. Ieanne Liebar aagee de vingt ans, heretique dés sa naissance.

102. Marguerite de Gratiat, aagee de trante ans, heretique depuis sa naissance. /13/

103. Marie Combes, aagee de quarante ans, heretique de naissance.

104. Rachel Daliabar, aagee de vingt ans, heretique de naissance.

105. Perronne Souillere, aagee de vingt ans, heretique de naissance.

106. Philippe Iearde, agee de cinquante ans, heretique depuis quarante.

107. Ieanne de Souillere, aagee de dix-huict ans, heretique de sa naissance.

108. Ieanne de Iean Guillen, aagee de quarante quatre ans, heretique depuis sa naissance.

109. Susanne Ichotte, aagee de trante ans, heretique dés sa naissance.

110. Marie Dichor, aagee de trante ans, heretique dés sa naissance.

111. Ieanne Beuett (sic), aagee de 30. ans. Autre Ieanne Benett (sic) sa sœur, aagee de 17 ans, heretique de naissance.

112. Ieanne Lafont, aagee de 25. ans, heretique de naissance.

113. Esther Brette aagee de 25. ans heretique de naissance.

114. Damoiselle Marie de Larteich,vesue, aagee de cinquante ans, heretique de naissance.

115. Susanne Courante, aagee de trente ans, heretique depuis sept.

116. Ieanne LaTrille, aagee de 45. heretique de naissance.

117. Catherine Hebra sa fille aagee de 18. ans.

118. Guillaume Darans vesue, aagee de cinquante six ans, heretique depuis quarante.

119. Boulzia Claustre armurier, aagé de soixante cinq ans, heretique de naissance.

120. André Hebrard, aagé de 14.ans heretique de naissance.

122. (sic) Damoiselle Ieanne Dusson, femme de Monsieur Violette, Aduocat du Roy, aagee de trante ans, heretique de naissance.

/14/ Attestation dv rolle des conuertis, par Messieurs les Chanoines, Prebendier, Officiers, Consuls, & Bourgeois de Foix.

Novs soubssignez, Chanoines, Prebendiers, Officiers, Consuls, & autre, Bourgeois & habitans de la ville de Foix Domaine & Comté du Roy, certifions & asseurons comme tesmoings occulaires, que tous les susdits nommez en ce Rolle & bon nombre d’autres qui n’y sont pas comprins, sans compter les petits enfans & filles : ont esté reduits & conuertis de la Religion prenteduë reformée à la foy Catholique Apostolique & Romaine par le R.P. Villate Religieux de l’Observance S. François du grand conuent de Tholose qui les a retirez des tenebres de leur erreur à la lumiere de la verité, par la force de ses predications publicques, exortations particulieres, & religieuse vie : sans qu’il ait esté vsé d’autre violence ou contraincte que la parole de Dieu. En outre tesmoignons que ledict Pere ayant il y a quelques temps attaqué & vaincu le sieur Moliry Ministre de Foix, en dispute verbale, ledict Ministre n’a voulu accepter vne conferance generale /15/, laquelle luy a esté presentée par ledit P. Villate, lequel Molinery apres auoir pris vn mois de terme & signé de sa main, promettant de respondre aux questions a luy proposées, le temps expiré, la frayeur luy glaçant le cœur, l’esclat de la verité luy faisant blesmir le visage, il a honteusement prins la fuitte vers Pamiés parmy les rebelles, sans auoir sçeu respondre, d’où s’est ensuiuie l’entiere conuersion de tous les Catholicques de Foix la demolition du Temple, du commun accord & consentement des vieux Catholiques, & des nouueaux conuertis, assemblez pour cest effect en la maison de ville. Les despouilles ont esté données partie à l’Eglise Abbatialle aux Pere Capucins, & à l’Hostel Dieu. Et d’autant q’vn (sic) si grand nombre bien doit estre suiuy d’vne humble recognoissance &actions de graces à la Majesté de Dieu, Procession solemnelle a esté faicte par la ville & aux enuirons du Temple, ou Monseigneur le Comte de Carman Gouuerneur pour le Roy en ce pays de Foix Monsieur de la Forest Gouuerneur du Chasteau & de la ville, Monsieur de Selles, Monsieur de Barbazan, Monsieur Dausighan, Monsieur de Monlaur, bon nombre d’autres Gentils-hommes, le Chapitre en corps, les Officiers /16/ du Roy, les habitans de la ville, & tous les conuertis ont assité auec beaucoup de deuotion, chacun benissant Dieu d’vne si heureuse conuersion. Et ce qui ne doit pas estre mis dans le tombeau de l’oubly, les deux Consuls nouueaux reduits auec les autres deux Catholiques portoient le Poële de l’adorable Sacrement de l’Autel, porté respectiuement par Monsieur de Mansard Prieur du Chapitre : ce qui n’auoit esté veu en ce lieu depuis 50 ans,

SIGNEZ

P. Mansard Prieur. Claustal, P. Benel I. Cazeneusue. C.P. de Lom. R. Cussol I. Guarrigues. De Monteilz, Sigurel. Chanoines.

Codaute Recteur. I. Demonde, I. Calnet Giaur, A Delos R. Codaute Theulade, Paillez. Damobru Sabaignes Delestazes, Prebendiers. Curés & vicaires.

Gouillard Lieutenant Principal,

Violet, Aduocat du Roy.

Dabadie, Procureur du Roy.

Rignac. Clauiole. I. Doumenge. Delom Consuls attestants, auec beaucoup d’autres cy dessus mentionnez.