Gaudefroy, Marie

« A Messieurs & Dames de la R.P.R., pour leur dire adieu.

Messieurs & Dames, si pour les choses humaines & temporelles l’on vse de tant de precaution & de conduite pour les mettre en effet, que ne fera-t-on point pour les choses spirituelles & eternelles qui regardent la pure gloire de Dieu & le salut, comme /2/ quand il s’agit de changer vne religion, dont l’on a succé les instructions d’icelle dans le berceau auec le laict de la Mere, l’on peut dire que c’est vne renaissance, c’est pour quoy vous ne deuez vous estonner si i’ay tant fait de pas pour parler au Ministre Mestrezat & les autres, pour resoudre mes difficultez, quoy que ie n’aye peu luy parler qu’vne fois, le 18 Nouembre 1656. dont ie fus aussi mal satisfaite que des autres, car il ne voulut iamais permettre que le sieur Moreau de Fauiere luy vint parler, pour luy soutenir ce qu’il me dit dans la chambre de Madame la Comtesse de Vignori : sçauoir que iamais Dieu ny aucuns des saincts Peres n’auoient enseigné vn seul de leurs articles de Foy, le choix donné de tous ceux qui sont en debat : car bien loing de parler audit sieur Moreau, il ne voulut permettre que ie repliquasse rien à ce qu’il me disoit, ie luy presentay quatre demandes que ledit sieur Moreau auoit escrites, La premiere, touchant les enfans qu’il disent estre sanctifiez dès le ventre de la mere, comme l’enseigne la forme d’aministrer le Baptesme, 2 Qu’apres le Baptesme le peché originel demeure touiours quand à la Coulpe, comme dit l’art. onze. 3. Que les Commandements de Dieu sont impossibles, & qu’auec le Sainct Esprit l’on ne peut les accomplir, comme le dit le grand & le petit Cathechisme Dimanche 32. 4. Qu’il ne faut chercher Iesus Christ dans la Cene comme le dit le Dimanche 53, si bien que le sieur Mestrezat rebuta fort cet escrit, sans le vouloir lire, ny permettre qu’vn honneste Gentilhomme qui estoit auec luy le leust, ledit sieur Ministre luy osta des mains, & me le rendit sans autre repartie disant que ie deuois croire a mes Pasteurs sans y contredire, ou que ie n’auois qu’a sortir, & que ce n’estoit point à moy à me meller /3/ de ces choses là, quoy que ie representasse au sieur Ministre mes difficultez, ie ne peux auoir autre esclaircissement du sieur Mestrezat sinon qu’il n’auoit que trop escrit sur ces matieres, & que l’on l’eust ses Liures si l’on vouloit, ou si ie voulois estre instruite de luy que ie l’escoutasse sans luy contredire, si bien qu’il me fallut sortir de la chambre sans autre instruction ny consolation que celle que mes yeux me donnerent par vne abondance de larmes de regret que i’auois d’estre si malheureusement trompoee, d’auoir creu que ce que les Ministres enseignent pour article de Foy fust dans l’Escriture, & de me voir rebutée par vn Ministre[1] que l’on tient pour le plus sçauant, qui refusa de m’en lire vne dans l’Escriture, le choix donné de tous ceux qui sont en debat, & qu’il ne voulut lire les quatre demandes que luy faisoit le sieur Moreau, & ne voulut permettre que l’honneste Gentilhomme qui estoit auec luy les leust, de craite qu’il auoit d’estre obligé d’y respondre[2], ce qui me fit coniecturer deslors qu’il ne le pouuoit par, ie demeuray dans vn estat ballençant auec vn esprit fort inquieté iusques au lendemain Dimanche 19. de Nouemvre, que le sieur Moreau me reuenant voir, lequel me donna resolution sur toutes mes difficultez, & mexitoit de luy en proposer, ie luy dis que le poinct qui me retenoit le plus estoit celuy de l’Eucharistie[3], d’autant que i’ay grande peine à conceuoir comme cela se peut faire que Iesus Christ soit à la Messe present rellement, corps ame & diuinité, & qu’il est bien difficille de croire ce que l’on ne voit pas luy dis-ie, il me repliqua que s’il falloit voir pour croire, que la foy seroit inutile, ne trouuant pas dequoy s’exercer[4] és choses externes & visibles, me representent[5] que s’il ne falloit croire que ce que nous pouuons /4/ conceuoir selon le sens naturel qu’il s’ensuivroit que l’on ne croiroit point le saint & adorable mystere de l’Incarnation du Verbe, puis que ce haut mystere est incomprehensible aux Anges & aux hommes, vous croyez ce me dit il la Resurrection de vostre corps, & que pas un cheueu de vostre teste ne sera perdu, vous ne pouuez conceuoir ny comprendre comme cela se fait, & neantmoins vous le croyez, pourquoy ne croyez vous pas aussi bien ce me dit il, le Fils de Dieu, disant en sainct Iean 6. verset 51. que le pain qu’il donneroit seroit sa chair, laquelle il donneroit pour la vie du Monde[6],  que S. Iean quand il dit chap. I v. 14 que la parolle a esté faite de chair[7], pourquoy croyez vous plutost saint Paul I Corinth. 15 quand il dit que nous ressusciterons en nostre chair[8] ; que Iesus Christ quand il dit du pain, cecy est mon corps qui sera liuré pour vous[9], S. Luc 22 v. 19 car la mesme parolle qui a dit que le Verbe a esté fait chair, cette mesme parolle a dit que le pain qu’il donneroit serois (sic) sa chair, laquelle il donneroit pour la vie du Monde[10], S. Iean 6 v. 51 accomplissant cette promesse, il dit que c’est son corps liuré pour le salut du genre humain, vous deuez donc croire a la parolle de Dieu, & vous y soubmettre & la preferer à vos sens, afin d’auoir vne foy telle que dit sainct Paul aux Romains chap. 10 v. 27 qui vienne de louyr & louyr de la parolle de Dieu[11], comme ont fait les anciens Peres de l’Eglise que ie vous feray lire ce qu’ils en ont creu, le premier est S. Iustin Martir qui viuoit l’an 150 rapporté par Aubertin[12] dans son Liure de l’Eucharistie de l’ancienne Eglise[13], qui est signé & approuué des autres Ministres de Charenton page 596 l, 47. comme Christ (dit saint Iustin) fait chair, a par le /5/ Verbe de Dieu en chair & sang, ainsi le pain & levin (sic) receuant la parole du Dieu Verbe, sont la chair & le saing du mesme Dieu Verbe[14], voicy saint Ignace contemporain des Apostres que l’on tient auoir veu de ses propres yeux Iesus Christ à Smirne, voicy ce me dit il vn beau passage qu’a rapporté votre Ministre Aubertin page 55 ligne 46. parlant des Heretiques de son temps, ils ne reçoiuent point, dit-il, les oblations & les Eucharisties, pource qu’ils ne croyent point que l’Eucharistie soit la chair de Nostre Seigneur Iesus Christ laquelle a seuffert pour nos pechez, laquelle a esté ressucitée par la benignité du Pere[15], iusque là saint Ignace & page 149 lig 2 voila me dit-il vn passage de saint Ciprien qui estoit Euesque de Cartage l’an 250 en ces mots, Le Seigneur, dit ce sainct, a appellé le pain & le vin son Corps & son Sang, c’est celuy qui appelle les choses qui ne sont point comme si elles estoient, & en les appellant il les fait estre ce[16] qu’elles n’estoient point, le pain & le vin de l’Echaristie n’estoint (sic) plus pain & vin quand Nostre Seigneur les appella son corps & sang, si les changea d’estre en les appellant, tout ainsi que le Lazare estoit mort quand Nostre Seigneur l’appella, luy dit[17] Lazare sort hors, mais il n’estoit plus mort quand il leut appellé[18], voyez encore vn passage de sainct Gregoire de Nice l’an 380. rapporté par vostre Ministre page 256. lig. 42, le corps de Christ, dit il, par l’inhabitation du Dieu Verbe a esté conuerty en dignité diuine, ie croy aussi legitimement que le pain sanctifié par le Verbe de Dieu[19], est transmué au corps du Dieu Verbe moyennant sa parolle, cecy est mon corps[20], iusques là saint Gregoire de Nice & page 409 ligne 17[21]. & 32[22]. Aubertin rapporte deux passages de saint Augustin en ces mots, tirez ditl il, duj sermon du temps, & l’autre est d’vn sermmon (sic) rapporté par le Venerable /6/ Bede : Nous sommes inuitez dit saint Augustin à la table ou se trouue non le pain des hommes, mais le pain des Anges & lig. 32[23] le pain, dit il, receuant la benediction de Christ est faict le corps de Christ, & en la p. 418 lig 13, il y a vn passage du Commentaire sur le Pseaume 33[24]. en ces[25] mots, Vrayment, dit saint Augustin, le Seigneur[26] est grand, & sa misericorde est vraye qui nous a donné son corps, auquel il a tant souffert à manger & son sang à boire[27], & p. 410. lig. 50. c’est sa chair laquelle nous receuons au Sacrement, dit saint Augustin, couuerte de la forme du paix & son sang que nous beuuons sous l’espece & saueur du vin, car en l’espece du pain & du vin que nous voyons  nous adorons les choses inuisibles, assauoir la[28] chair & le sang de Iesus Christ, & ne tenons pas ces deux espaces en mesme rang que nous faisions auant la consecrations : car nous confessons d’vn cœur fidel qu’auant la consecration c’est du pain & du vin que la nature a formé, mais apres la consecration la chair & le sang de Christ que la benediction a consacré lors que l’Hostie est rompue, les que le sang decoule du Calice, il est designé l’immolation du corps de Christ en la croix, & l’effusion du saing de son costé[29], iusques là saint Augustin il y a plusieurs passages rapportez du mesme fainct par Aubertin page 392 lig 43[30]. page 401 ligne 14[31] page 446 lig. 29[32] page 450 lig. 43[33] p. 483 l. 51[34] p. 502 lig 51[35] p. 503 ligne 15[36], p 504 l. 22[37] page 505 ligne 20[38] dans tous ses passages est monstré la refutation des Ministre par sainct Augustin, quoy que ce soit vn Ministre qui les ait rapportez, voyez vn passage de sainct Renée[39] qui viuoit il y a 1500, ans (sic) rapporté par Aubertin page 85 ligne 51. qui prouue comme Nostre Seigneur en l’institution de l’Eucharistie accomplissant la prophetie, offrit la nouuelle oblation du nouueau Testament, de son corps /7/ & de son sang disant, cecy est mon corps, cecy est mon sang, voicy les termes, Christ, dit saint Irenée, donnant conseil à ses disciples d’offrir sacrifice, prit le pain qui est creature, rendit grace disant, prenez & mangez cecy est mon corps & le Calice semblablement le nommé son sang, & offrit la nouuelle oblation du nouueau Testament que l’Eglise receuant des Apostres offre par tout le Monde à Dieu, dequoy entre les douze Prophetes Malachie auoit parlè auparauant chapitre I. v, 11 & 12. ma volonté n’est plus en vous dit le Seign. Ie ne receuvray plus l’oblation de vos mains car mon nom est grand entre les gens, & dpuis le Soleil leuant iusques au couchan, l’on m’offrira encensement & oblation nette, car mon nom est grand entre les gens, autant en dit sainct Iustin Martir l’an 150. rapporté par Aubertin, que i’ay leu page 58. ligne 37[40], & page 46 ligne[41] 16[42]. dudit Aubertin i’ay leu vn passage de saint André Apostre escrit par ses disciples en ces mots, ie sacrifie dit il, tous les iours au Dieu tout puissant un agneau immolé, encore que sa chair soit vrayement[43] sacrifiée, & vrayement mangée du peuple, il perseuere toutefois entier & viuant, iusque là sainct André, ie demanday au sieur Moreau comment cela ce pouuoit qu’vn Agneau  qui est entendu Iesus Christ, puisse estre sacrifié & mangé & demeurer entier & viuant, il me repartit liez toute la page, & vous verrez comme l’Aposte l’a expliqué au Proconsul Aegée qui luy demanda la mesme chose que vous me demandez, voyez que l’Apostre refusa de luy expliquer vn si haut Mustere, adioustant qu’il est impossible à vn Payen ou Heretique d’atteindre à cette connoissance sans auoir la Foy en I. Christ, surquoy le sieur Moreau me fit remarquer que si l’Apostre eust creu que Iesus Christ n’esut esté mangé qu’en figure, il n’auroit pas refusé de l’expliquer /8/ à ce Payen, car il n’est besoin de foy pour croire qu’vne chose soit la figure d’vne autre chose, l’Apostre a refusé d’expliquer à ce paen comment I. Christ estoit vrayement sacrifie & a chair vrayement mangee du peuple, & que neantmoins cela n’empeschoit pas toutefois qu’il ne perseuerast entier & viuant, il luy refusa d’expliquer ce Mystere, d’autant qu’il surpasse l’ordre de la nature, & est au dessus des sens naturels, c’est pourquoy il refusa de l’expliquer à ce payen sans foy, qui mesuroit toutes choses selon la portée de ses sens comme sont encore auiourd’huy[44] les Heretiques, qui disent ne vouloir rien croire que ce qu’ils voyent & touchent par leurs sens naturels contreuenans en cela, à la foy de laquelle ils parlent tant, & ne sçauent ce que c’est que foy, le sieur Moreau n’ayant fait voir tous ces passages si expres dans ce Liure d’Aubertin, ie fus grandement estonnée, car ie vous puis dire auec verité que ie n’aurois iamais creu que ces saincts Docteurs de l’Eglise primitiue eussent parlé si aduantageusement pour la Foy Catholique & contre la doctrine des Mnistres, si ie ne les auois veus traduits par vn Ministre, & ce qui m’estonna plus, c’est de voir que les sieurs Mestrezat, Drelincourt & Daillé tous trois Ministres de Charenton, ont donné leur approbation, disant qu’ils l’ont leu, & qu’ils n’ont rien trouué dans iceluy que tres conuenable à leur croyance. Ie pensay a lors (sic) qu’il fait de necessité qu’il y ait vne extreme malice ou aueuglement en la personne des Ministres, de dire que ces saincts Docteurs conuiennent à leur doctrine ; & ils y sont tous contraires, comme il appert par les passages icy rapportez tels que les a traduits le Ministre, c’est pourquoy ie n’ay moint douté de la tradiction, chacun sçay que les Ministres nient que Iesus Christ soit au /9/ Sacrement de la Cene, puis qu’ils disent dans leur Dimanche 53. qu’il ne luy faut point chercher, ils nient aussi que Iesus Christ ait offert vn sacrifice de son corps & de son sang, & qu’il ait estably des Sacrificateurs d’iceluy quant il dit, prenez mangez cecy est mon corps, cecy est mon sang, faites cecy en memoire de moy, puis qu’ils disent dans leur Dimanche 52. que la Cene n’est pas institutee pour faire une oblation du corps de Iesus Christ à Dieu son pere, ils combattent la trensubtentiation (sic) par leur Dimanche 53. qui dit qu’il y a à leur Cene du pain & du vin materiel, voyla la croyance des Ministres opposée à la parole de Dieu & aux saints Peres, car Iesus Christ a dit que le pain qu’il donneroit seroit sa chair pour la vie du Monde[45], S. Iean chap. 6. v. 51. il dit, que c’est son corps[46] liuré pour nostre salut, tous les saint Peres ont creu qu’apres ces paroles n’y a plus de pain, mais le corps de Iesus Christ,  comme le dit saint Ambroise qui viuoit l’an 370 rapporté par Aubertin p. 268 ligne 57 en ces mots, ce pain est pain, dit-il, deuant les parolles du Sacrement, mais apres que la consecration est suruenue de pain, il est fait le corps de Christ, verifions donc cette (sic) article, comment celuy qui est pain peut estre le corps de Christ par la consecration, & la consecration par les parolles cecy est mon corps, cecy est mon sang, de qui est cette parolle du Seigneur Iesus, car en toutes les autres choses qui se disent l’on louë Dieu, l’on prie pour le peuple, pour les Rois, pour l’Egise, mais lors que l’on vient à la confection du venerable Sacrement, le Prestre n’use de ces paroles, mais de celles de Christ, c’est donc la parole de Christ qui fait ce Sacrement, qu’elle parolle de Christ à sçauoir celle par qui toutes choses ont esté faites, le Seigneur a commandé[47] la Terre & le Ciel ont esté faits, regarde donc combien la parolle de Christ est opperante, si la parole de /10/ Christ a eu tant de force que les choses qui n’estoient point ayent commencé d’estre, combien plus pourra-elle faire que les choses qui estoient soit & soient changées en une autre chose afin que ie te responde, ce n’estoit point le corps de Christ auant la consecration, mais apres la consecration ie te dit que lors c’est le corps de Christ, il l’a dit, il a esté fait[48]. Iusques là saint Ambroise, & page 194, l. 24. iusques à 53[49] le Ministre rapporte saint Hilaire Euesque de Poictiers l’an 350 en ces mots, Lisons, dit-il, ce qui est escrit, & entendons ce que nous lisons lors nous nous acquiterons du deuoir d’vne paraite foy si nous ne l’apprenons de luy c’est folie & impieté, ce que nous disons il a prononcé luy mesme ma chair est vrayement viandre, mon sang est vrayement breuuage, qui mange ma chair & boit mon sang demeure en moy & moy en luy, de la verité la chair & du sang il ne reste aucun lieu d’en douter : car auiourd’huy par la profession de Nostre Seigneur & par nostre Foy, c’est vrayement sa chair & vrayement son sang, & ces choses prises & auallées font que nous soyons en Christ & Christ en nous, cela n’est ce pas la verité qu’il est donc en nous par sa chair, iusques-là saint Hilaire. Et en la page 188 lig. 29[50], sainct Athanase, ou ce Pere dit que le corps qui est en l’Eucharistie c’est le mesme chros qui est assis à la dextre du Pere, Voicy les termes : C’est, dit-il, l corps auquel il dit siedtoy (sic) à ma dextre, duquel aussi le Diable a esté ennemy auec les puissance amuuaises par lequel corps il a esté apelé Pontif[51] (sic) & Apostre par le mystere cecy est mon corps qui est rompu ou liuré pour vous, & le sang de la nouuelle alliance non de la vieille, qui est respandu pour vous : mais quand à la Diuinité elle n’a n’y corps ny sang, iusque là saint Athanase & page 23, ligne 24[52]. le /11/ Ministre rapporte vn passage qu’il dit estre tiré des Catecheses de saint Cirielle Euesque de Ierusalem, l’an 370. en ces mots, le pain de l’Eucharistie, dit-il auant l’inuocation de l’adorable Trinité, estoient vn pain & vin simple, mains l’inuocation estant paracheuée le pain est fait le corps de Christ, & le vin son sang, nous prions le Dieu misericordieux d’enuoyer sur les choses proposées son sainct Esprit, à ce qu’il face le pain le corps le Christ, & le vin son sang car totablement ce que le sainct Esprit touche il le sanctifie & le transmue, p. 211 lig. 18[53] partant dit sainct Cyrille communiquons auec entiere certitude au corps & au sang de Christ, car sous la figure du pain t’est donné le Corps de Christ, & sous la figure de vin t’est donné le sang de Christ, afin que tu sois fait participant du corps & du sang de Christ par ainsi deuiendrons nous porteurs de Christ, son corps & son sang estant distribuez en nos membres, p. 212[54]. ne le considere point comme paix & vin simple, car c’est le corps & le sang de Christ selon la declaration du Seigneur cecy est mon corps cecy est mon sang, encore que tes sens te le suggerent, que la Foy te confirme, ne iuge pas la chose par le goust, mais sois certifié par la foy sans aucune hesitation que tu es honoré du corps & du sang de Christ, p. 209 ligne 10[55] puisque Nostre Seigneur dit sainct Cyrille a declaré & dit cecy est mon corps, qui en doutera & dira que ce n’est pas son corps, & puis qu’il affirme & dit cecy est mon sang, qui en doutera & dira que ce n’est pas son sang, qui en doutera & qura que ce n’est pas son sang, luy qui autrefois aux nopces de Cana en Gallilée changea leau en vin, ne sera-il pas digne d’estre creu changeant le vin en son sang, iusues là sainct Cyrille & les autres saincts Docteurs de l’Eglise primitiue que les Ministres canonisent saincts, disant dans l’art. 5. de leur confession /12/ de foy qu’ils reçoiuent les Conciles anciens & qu’ils condamnent toutes les Heresies condamnez par les Saints Docteurs saint Athanse, sainct Cyrille, sainct Ambroise & sainct Hilaire, il faut remarquer que ces Saincts Docteurs n’ont condamnez pour Heretiques que ceux qui ont enseigné & enseignent des Doctrines contraires à ce que ces Saints Peres ont laissé par escrit, l’on void (sic) clairement la doctrine des Ministres estre contraire aux escripts des saincts Peres, partant ils sont sensez Heretiques par les saincts Docteurs & par eux-mesmes, puis qu’ils condamnent les heresies condamnées par lesdits saincts Peres, il est fort aisé de voir le contraire de leur doctrine par les saincts peres, le premier passage est du S. Concile tenu à Nicée l’an 325 ou il assista 318 Euesques rapporté par Aubertin page 167. lig. 4[56], en ces mots ; Ne considerons point auec vne basse pensée, entendons par foy que l’agneau de Dieu qui oste les pechez du Monde est gisant sur cette sacrée Table immolé par les Prestres sans estre occis, nous prenons vrayement son precieux corps & sang, croyons que ce sont les symboles de nostre Resurrection, & page 172 ligne 18[57], ny les Canons ly la Coustume ne nous ont point laissé que les Diacres qui n’ont point la puissance d’offrir donnent le corps du Seigneur aux Prestres qui l’offrent, & page 514 lig 7[58], Aubertin rapporte vn passage de sainct Cyrille d’Alexandrie, qui presidan au Concile d’Ephese 3 General enuiron l’an 412 ou  l’erreur de Nestorieus fut condamnée en ces mots : Nous operons, dit-il, és Eglises le saint viuifiant & non sanglant sacrifice, ne croyant pas que le corps qui est là gisant deuant nous sur les Autels soit le corps d’vn homme commun & ordinaire comme les autres ny le precieux sang semblablement /13/ au contraire nous le prenons comme fait le propre corps du Verbe viuifiant toutes hoses, la chair commune ne sçauroit viuifier, & de cela le Sauueur en est tesmoin disant la chair ne profite de rien, c’est l’esprit qi viuifie, parce qu’elle a esté faite chair propre du Verbe, par cela elle a esté faire chair propre du Verbe, par cela elle a esté reconnue estre & est viuifiante suiuant ce que dit le mesme Sauueur, comme mon Pere viuant m’a enuoyé ie vis à cause de mon pere, & qui me mangera viura aussi à cause de moy, iusque-la le Concile d’Ephese. Considerez, Messieurs & Dames, si apres de si belles preuues des veritez Catholiques, il ne faudroit pas auoir l’aueuglement des Ministres pour demeurer dans leurs erreurs qu’ils vous donnent pour des veritez, & veulent que l’on les croyent sans leur contredire comme il le vouloit de moy le sieur Mestrezat : i’ay esté plainement instruite, non seulement du sacrifice de la saincte Messe, mais aussi des ceremonies d’icelle, & de tous les autres poincts contenus dans la profession de Foy Catholique & Romaine, dont i’ay promis & promet moyennant la grace de Dieu, viure & mourir ainsi que ie l’ay iuré sur la sainte Euangille lors que i’ay abjuré l’Heresie de Caluin & en ay receu l’absolution par Monsieur l’Abbé de Grace, Curé de Sainct Louis ma Parroisse, le vingt-sixiesme de Decembre 1656 presens les tesmoins soub-signez. Ie prie Nostre Sauueur Iesus Christ qu’il luy plaise desiler (sic) les yeux de vostre entendement pour connoistre l’erreur en laquelle vous estes, pour rentrer[59] dans l’Eglise de Iesus Christ dont vous estes separez, & si vous y rentrez vous y trouuerez lieu de salut, & non aillurs, Dieu vous en face la[60] grace, ainsi soit-il, adieu.

/14/ Qui desirera sçauoir les particularitez des motifs de ma conuersion, voye ledit sieur Moreau, il fera voir les escrits que ie luy ay donnez de la part des Ministres, & la refutation qu’il y a fait, quoy qu’il ne soit qu’vn simple artisan, il est touiours prest de sanctifier le Seigneur en son coeur, rendant raison de la foy qui est en luy, auec crainte & humilité[61] comme le dit sainct Pierre, premiere Epistre chap. 3 v. 15.

A Paris, ruë de la Calandre, proche la Clef d’argent. »